Formación Transversal

O gran reto deste tempo no que nos atopamos actualmente é pasar da igualdade legal á igualdade real. E para iso, é importante o compromiso de toda a sociedade, incluídas as empresas e institucións.

Aínda que xa se leva traballado moito na aprobación e institucionalización de leis e políticas que recollen a necesidade de traballar para evitar as desigualdades entre homes e mulleres, e actualmente existen importantes avances;  aínda é necesario facer mais para cumprir cos compromisos asumidos e mellorar os niveis de igualdade e equidade na nosa sociedade.

A este panorama de compromisos e responsabilidades se suma a evidencia cada vez mais constatada de que un maior equilibrio entre mulleres e homes nas empresas e nas organizacións mellora a productividade, favorece a innovación e facilita a adaptación das empresas de calquera tamaño ao mundo globalizado e cambiante de hoxe en día.

Por esta razón, a Consellería de Promoción do Emprego e Igualdade da Xunta de Galicia ve fundamental asumir o compromiso de poñer en marcha un campus en liña coa finalidade de que toda persoa interesada en formarse en igualdade laboral poida facelo a través da participación en diferentes xornadas e cursos formativos nesta materia.

Asumindo por tanto un papel fundamental de facilitadores de acceso ao coñecemento tanto para homes como mulleres, de formación en igualdade laboral e de boas prácticas neste ámbito, que fomenten a igualdade de xénero e a non discriminación por razón de sexo, e así avanzar entre todos cara unha maior igualdade real e efectiva.

Desde sempre, a sociedade ha tido unha relación moi estreita co medio. Unha relación de dobre sentido: as persoas inflúen na contorna e este condiciona á súa vez o seu modo de vida. Nas últimas décadas, a intervención humana sobre o medio incrementouse de maneira descompensada. O efecto invernadoiro, o buraco na capa de ozono, a desertización, o esgotamento dos recursos…

A pobreza, a repartición inxusta da riqueza, a desigualdade nas relacións entre os pobos… Son algúns exemplos dos graves problemas que fan inviable, para moitas persoas, ou ameazan, no noso caso, o goce dunha vida digna.

Nas últimas décadas se ha ir abrindo paso con forza a idea de que os problemas ambientais non son só problemas da natureza senón, sobre todo, problemas humanos. A crise ambiental ten unha dimensión social que empeza a ser recoñecida de forma xeral. E isto supón a revalorización dunha educación que capacite ás persoas para abordar os conflitos, imaxinar ou recoñecer saídas e poñelas en práctica, tanto de forma individual como colectiva.

A Educación Ambiental quere promover a acción prol-ambiental entre individuos e grupos sociais; unha acción informada e decidida a favor da contorna e cara a unha sociedade sostible, realizada no contexto vital dos cidadáns: fogar, traballo, escola, lecer e comunidade.